#MobileAppDev Tag

Comet Digital Agency Laos / Posts tagged "#MobileAppDev"

6 ວິທີທົບທວນຕົນເອງໃຫ້ພ້ອມກັບການເລີ່ມຕົ້ນວຽກໃໝ່

ທ່ານເປັນບໍ່? ຕັ້ງໃຈກັບການເຮັດວຽກ ແຕ່ກໍຄິດຫຍັງບໍ່ອອກ…. ລອງໃຊ້ 6 ວິທີທົບທວນຕົນເອງໃຫ້ພ້ອມກັບການເລີ່ມຕົ້ນວຽກໃໝ່ ທີ່ພວກເຮົາຈະມາແນະນຳໃນມື້ນີ້. ເມື່ອເຮົາຕ້ອງປະເຊີນໜ້າກັບບັນຫາໃນການຄິດຄົ້ນງານ, ພະຍາຍາມແລ້ວແຕ່ກໍບໍ່ມີໄອເດຍອອກມາເລີຍ…. ນັ້ນອາດເປັນຍ້ອນເຮົາເລືອກຊ່ວງເວລາໃນການສ້າງສັນຜົນງານ ບໍ່ກົງກັບທຳມະຊາດຂອງຮ່າງກາຍ (Natural Circadian Clock). ຄວາມເປັນຈິງແມ່ນ ເຮົາຄວນໃຫ້ຄວາມສຳຄັນກັບສິ່ງທີ່ເອີ້ນວ່າ "ໂມງຊີວະພາບ" ເພາະສິ່ງນີ້ເປັນການຄວບຄຸມເວລາການເຮັດວຽກຂອງຮ່າງກາຍ ທັງຍັງກຳນົດຊ່ວງເວລາໃນການຫຼັ່ງຂອງຮໍໂມນ ແລະ ກຳນົດອຸນຫະພູມໃນຮ່າງກາຍອີກດ້ວຍ. ຜົນວິໄຈທາງວິທະຍາສາດບອກວ່າ ຮ່າງກາຍຂອງມະນຸດມີການຈັດສັນຮໍໂມນບໍ່ຄືກັນ ເຮັດໃຫ້ມີບາງຊ່ວງເວລາທີ່ຮ່າງກາຍເຮັດວຽກໄດ້ດີກວ່າຊ່ວງເວລາອື່ນໆເຊັ່ນ "ຕອນເຊົ້າ" ເຊິ່ງເປັນເວລາທີ່ເໝາະກັບວຽກທີ່ຕ້ອງໃຊ້ຄວາມຄິດສ້າງສັນເຊັ່ນ: ງານຂຽນ, ງານສິນລະປະ, ຊ່ວງເວລານີ້ຖືກພິສູດໂດຍນັກວິທະຍາສາດແລ້ວວ່າເປັນຕອນທີ່ສະໝອງເຊື່ອມໂຍງຂໍ້ມູນໄດ້ດີກວ່າຊ່ວງເວລາອື່ນ. ນອກຈາກນັ້ນ, ຍັງເປັນຊ່ວງເວລາທີ່ສະໝອງສ່ວນໜ້າ (Prefrontal - Cortex) ເຮັດວຽກໄດ້ດີທີ່ສຸດອີກດ້ວຍ ເພາະຍັງບໍ່ມີການຕັດສິນໃຈ ຫຼື ເລີ່ມຄິດວຽກ. ດັ່ງນັ້ນ, ສະໝອງຈຶ່ງໂລ່ງ ແລະ ພ້ອມຮັບໄອເດຍໃໝ່ໆຫຼາຍກວ່າເວລາອື່ນ. ນອກຈາກການຄິດງານສ້າງສັນໃນຕອນເຊົ້າແລ້ວ ກໍຍັງມີອີກຊ່ວງເວລາທີ່ຈະຊ່ວຍເພີ່ມຄວາມຄິດສ້າງສັນຂອງເຮົານັ້ນ ກໍຄືຊ່ວງເວລາທີ່ເຮົາຢຸດເຮັດວຽກແລ້ວປ່ຽນບັນຍາກາດໄປເຮັດກິດຈະກຳທີ່ມັກ ເຊັ່ນ: ອອກໄປຢ່າງຫຼີ້ນ ຫຼື ອ່ານໜັງສືທີ່ມັກ, ເຮົາເອີ້ນຊ່ວງເວລານີ້ວ່າ "Newton Phase" ເຊິ່ງມີທີ່ມາ...

Read More

ນັກພັດທະນາແອັບແມ່ນຫຍັງ? What is an App Developer?

ເມື່ອເວົ້າເຖິງເຕັກໂນໂລຢີແມ່ນມີຫຼາກຫຼາຍສາຂາໃຫ້ເຮົາເລືອກ ໜຶ່ງໃນນັ້ນມີສາຂາໜຶ່ງທີ່ໄດ້ຮັບຄວາມນິຍົມເພີ່ມຂຶ້ນເລື້ອຍໆເຊິ່ງສາຂານັ້ນແມ່ນ “ການພັດທະນາແອັບ”. ໃນລາວເຮົາສາມາດເຫັນໄດ້ວ່າຫຼາຍທຸລະກິດໄດ້ເລີ່ມຫັນເປັນດີຈີຕອນ ແລະ ຫຼາຍໆແອັບກໍຖືກພັດທະນາຂຶ້ນມາເພື່ອຊ່ວຍໃນການບໍລິການລູກຄ້າ ພ້ອມທັງເຮັດໃຫ້ການດຳລົງຊີວິດຂອງເຮົາງ່າຍຂຶ້ນເຊັ່ນ: ເຮັດທຸລະກຳຂອງທະນາຄານຜ່ານແອັບ, ສັ່ງອາຫານ, ຈອງທີ່ພັກ, ຊື້-ຂາຍເຄື່ອງ ແລະ ອື່ນໆ ສະນັ້ນນັກພັດທະນາແມ່ນເປັນທີ່ຕ້ອງການຂອງຕະຫຼາດແຮງງານຫຼາຍ. ມື້ນີ້ເຮົາຈະມາຊຳແຫຼະອາຊີບນີ້ກັນນນນນນນນນ ນັກພັດທະນາແອັບແມ່ນຫຍັງ? (What is an App Developer?) ນັກພັດທະນາແອັບແມ່ນວິສາວະກອນຊອບແວຊຶ່ງເຮັດໜ້າທີ່ສ້າງ, ທົດສອບ ແລະ ຂຽນໂປຣແກຣມສຳລັບຄອມພິວເຕີ, ໂທລະສັບມືຖື ແລະ ແທັບເລັດ. ໂດຍທົ່ວໄປແລ້ວນັກພັດທະນາແອັບຈະເຮັດວຽກເປັນທີມ, ຄິດຫາໄອເດຍ ແລະ ແນວຄວາມຄິດສຳລັບຜູ້ໃຊ້ທົ່ວໄປ ຫຼື ຕາມຄວາມຕ້ອງການສະເພາະຂອງລູກຄ້າ. ນັກພັດທະນາແອັບຕ້ອງເຂົ້າໃຈພາສາທີ່ໃຊ້ໃນການຂຽນໂຄດ ແລະ ວິທີໃຊ້ພາສານັ້ນ ນອກນີ້ກໍອາດຈະຕ້ອງໄດ້ເຮັດວຽກຮ່ວມກັບນັກອອກແບບ (UX/UI designer), ນັກວິທະຍາສາດຂໍ້ມູນ (data scientists), ແລະ ຜູ້ຊ່ຽວຊານດ້ານຊອບແວ (software engineer) ຄົນອື່ນໆເພື່ອສ້າງແອັບ, ທົດສອບ ແລະ...

Read More

10 ປະການ ຂອງການອອກແບບທີ່ດີມີຫຍັງແດ່?

ການອອກແບບຂອງເຮົາດີພໍແລ້ວ ຫຼື ຍັງ? ລອງມາກວດເບິ່ງ 10 ຂໍ້ຕໍ່ໄປນີ້ເລີຍ!!! . ທຸກຢ່າງໃນໂລກລ້ວນແຕ່ຕ້ອງມີການອອກແບບກ່ອນທີ່ຈະເກີດຂຶ້ນແທ້ ຖ້າບໍ່ມີການຄຳນຶງເຖິງປັດໄຈໃດໆເລີຍ ທຸກຄົນກໍສາມາດປະກອບອາຊີບເປັນນັກອອກແບບໄດ້…ແຕ່ຖ້າມີການຄຳນຶງເຖິງປັດໄຈຕ່າງໆແລ້ວ ແບບໃດທີ່ເອີ້ນວ່າ "ການອອກແບບທີ່ດີ" ມື້ນີ້ Comet ຈະພາທຸກຄົນໄປຫາຄຳຕອບກັນ!!! . 1. ການອອກແບບທີ່ດີ ຕ້ອງເປັນນະວັດຕະກຳ🤓 . ເມື່ອມີໂອກາດໃນການອອກແບບສິ່ງຂອງໃດໜຶ່ງ ເຮົາຕ້ອງແນ່ໃຈວ່າການອອກແບບຂອງເຮົາເຮັດໃຫ້ເກີດສິ່ງໃໝ່ໆ ທີ່ມີເອກະລັກສະເພາະຕົວ ແລະ ເປັນສິ່ງທີ່ດີທີ່ສຸດໃນຕອນນັ້ນໃຫ້ໄດ້! . 2. ການອອກແບບທີ່ດີ ຕ້ອງເຮັດໃຫ້ສິນຄ້າມີປະໂຫຍດ👍 . ໜຶ່ງໃນປັດໄຈທີ່ໃຊ້ວັດແທກຄວາມສຳເລັດຂອງການອອກແບບ ກໍຄືປະໂຫຍດຂອງມັນເອງ ໂດຍຈະມີລະບົບການໃຊ້ງານ ຫຼື ໜ້າທີ່ທີ່ສະເພາະເຈາະຈົງ ແລະ ອາດຈະຕ້ອງຫຼຸດຜ່ອນບາງຢ່າງທີ່ອາດຈະເຮັດໃຫ້ປະໂຫຍດຂອງມັນຫຼຸດລົງໄປ. . 3. ການອອກແບບທີ່ດີ ຕ້ອງມີຄວາມງົດງາມ💐 . ຄວາມສວຍງາມຂອງການອອກແບບຈະເຮັດໜ້າທີ່ເປັນຄວາມສຸກທາງສາຍຕາສຳລັບຜູ້ໃຊ້ງານຢ່າງຫຼວງຫຼາຍ ແຕ່ຢ່າລືມຄຳນຶງເຖິງລະບົບທີ່ເຮົາວາງໄວ້ນຳ ງາມຢ່າງດຽວບໍ່ໄດ້! . 4.ການອອກແບບທີ່ດີ ຕ້ອງເຮັດໃຫ້ຜູ້ໃຊ້ງານເຂົ້າໃຈໃນສິນຄ້າຂອງເຮົາ🤔 . ຈະຕ້ອງມີຄວາມຊັດເຈນໃນຕົວເອງບໍ່ຊັບຊ້ອນຫຼາຍເກີນໄປ ແລະ ງ່າຍຕໍ່ກັບການທຳຄວາມເຂົ້າໃຈຂອງຜູ້ໃຊ້ງານ. . 5. ການອອກແບບທີ່ດີ ຕ້ອງບໍ່ລົບກວນຜູ້ໃຊ້ງານ🤫 . ຕ້ອງມີຄວາມເປັນກາງ ແລະ ເປັນຜູ້ຊ່ວຍນຳທາງແຕ່ບໍ່ແມ່ນຜູ້ຊີ້ນຳ, ຕ້ອງປ່ອຍໃຫ້ຜູ້ໃຊ້ງານສຳຜັດປະສົບການການໃຊ້ງານດ້ວຍຕົວເອງ. . 6.ການອອກແບບທີ່ດີ ຕ້ອງມີຄວາມຊື່ສັດ😌 . ເວົ້າຫຍັງໄວ້ຕ້ອງເຮັດໃຫ້ໄດ້! ນັກອອກແບບຕ້ອງສ້າງສັນຜົນງານອອກແບບຢ່າງມີຈະລິຍະທຳ ແລະ ສັນຍາຕ້ອງເປັນສັນຍາ ບອກໄວ້ວ່າມີ…ກໍຕ້ອງມີ! . 7.ການອອກແບບທີ່ດີ ຕ້ອງມີຄວາມຄົງທົນ💪 . ການອອກແບບທີ່ດີນັ້ນຕ້ອງຢູ່ເໜືອການເວລາ...

Read More

ເງິນດີຈີຕອນ ປ່ຽນໂລກໄດ້ແທ້ຫວາ!?

ທ່ານຄິດວ່າ…. ເງິນດີຈີຕອນ ປ່ຽນໂລກໄດ້ແທ້ຫວາ!? ປັດຈຸບັນເຮົາຈະໄດ້ຍິນຄົນເວົ້າເຖິງເຕັກໂນໂລຢີ ບລັອກເຊນ (Blockchain Technology) ແລະ ສະກຸນເງິນດີຈີຕອນ (Cryptocurrency) ຫຼາຍຂຶ້ນ, ບາງຄົນເຫັນວ່າສິ່ງເຫຼົ່ານີ້ ແມ່ນໂອກາດໃນໂລກຍຸກໃໝ່ ແຕ່ບາງຄົນບອກວ່າມັນເປັນພຽງແຊຣ໌ຕ່ອງໂສ້ແບບໜຶ່ງທີ່ອັນຕະລາຍ ເຊື່ອຖືບໍ່ໄດ້ ແຕ່ແທ້ຈິງແລ້ວຄຳສອງຄຳນີ້ອາດຈະມີຂອງດີເຊື່ອງຢູ່ຫຼາຍກວ່າທີ່ທ່ານຄິດ. #BlockchainTechnology ບລັອກເຊນປຽບຄືກັບເຄືອຂ່າຍການເກັບຂໍ້ມູນແບບໜຶ່ງທີ່ເຊື່ອມຕໍ່ຂໍ້ມູນຕ່າງໆເຂົ້າກັນ ໂດຍທຸກຄົນສາມາດເຂົ້າເຖິງ ແລະ ໄດ້ຮັບຂໍ້ມູນດຽວກັນແບບໂປ່ງໃສ, ປອດໄພ ແລະ ບໍ່ມີຜິດພາດ; ນີ້ແມ່ນເຫດຜົນທີ່ມີການນຳເຕັກໂນໂລຢີບລັອກເຊນມາປະຍຸກໃຊ້ໃນອຸດສາຫະກຳຕ່າງໆ ລວມເຖິງທຸລະກຳທາງການເງິນທີ່ຕ້ອງການທັງຄວາມເປັນສ່ວນຕົວ ແຕ່ຍັງຄົງຄວາມປອດໄພ ກວດສອບໄດ້ ແລະ ໜ້າເຊື່ອຖື ຈົນເກີດເປັນ "ບິດຄອຍ" Bitcoin ເງິນດີຈີຕອນສະກຸນທຳອິດຂອງໂລກ ລວມເຖິງສະກຸນເງິນໃໝ່ໆ ແບບ ອີເທີຣຽມ (Ethereum) ແລະ ອື່ນໆອີກ 3,000 ສະກຸນ. ເຊິ່ງປັດຈຸບັນ ບິດຄອຍ ເປັນໜຶ່ງໃນສະກຸນເງິນດີຈີຕອນ (Cryptocurrency) ທີ່ໄດ້ຮັບການຍອມຮັບຫຼາຍທີ່ສຸດ ເພາະມັນເປັນສະກຸນເງິນດີຈີຕອນທີ່ມີມູນຄ່າສູງທີ່ສຸດ ແລະ...

Read More