Unreal Engine ຊອບແວທີ່ນັກພັດທະນາເກມຄວນຮູ້ຈັກ

Comet Digital Agency Laos / Developers  / Unreal Engine ຊອບແວທີ່ນັກພັດທະນາເກມຄວນຮູ້ຈັກ

Unreal Engine ຊອບແວທີ່ນັກພັດທະນາເກມຄວນຮູ້ຈັກ

ຮູ້ ຫຼື ບໍ່ ກວ່າຈະມາເປັນເກມທີ່ມີພາບງາມໆ ເນື້ອຫາດີໆ ດົນຕີມ່ວນໆໃຫ້ເຮົາໄດ້ເສບໃນເວລາທີ່ຫຼິ້ນ. ການມີ Teamwork ທີ່ແຂງແກ່ນ, ຄວາມອົດທົນພະຍາຍາມ ແລະ ຊຳນານຂອງທີມພັດທະນາແລ້ວ ເຄື່ອງມືແຈ່ມໆທີ່ສາມາດເນລະມິດທຸກໄອເດຍໃຫ້ເປັນຮູບຮ່າງ ບວກກັບຟີເຈີທີ່ຫຼາກຫຼາຍ ແລະ ເປັນມິດກັບຜູ້ໃຊ້ກໍແມ່ນໜຶ່ງໃນເບື້ອງຫຼັງຂອງຄວາມສຳເລັດ.

👉🏻 Unreal Engine ແມ່ນ Game Engine ຫຼື ຊອບແວສຳລັບສ້າງວີດີໂອເກມ ທີ່ພັດທະນາໂດຍບໍລິສັດເກມຊື່ດັງ Epic Games ທີ່ກຳລັງມີດຣາມາກັບບໍລິສັດເທັກຍັກໃຫຍ່ Apple ທີ່ໄດ້ຂູ່ຈະຕັດ Unreal Engine ອອກຈາກບັນຊີນັກພັດທະນາ ແລະ ເຄື່ອງມືພັດທະນາໃນລະບົບປະຕິບັດການ iOS & MacOS ແລະ ຄຳຄູ່ນີ້ໄດ້ເຮັດໃຫ້ວົງການເກມຕ້ອງສັ່ນສະເທືອນ!!!

ແລ້ວ UE ມັນແມ່ນຫຍັງ? ມາຮູ້ຈັກຊອບແວນີ້ໃຫ້ຫຼາຍຂຶ້ນກັນ!

👉🏻 Unreal Engine Unreal ແມ່ນຊຸດເຄື່ອງມືເຕັມຮູບແບບທີ່ຊ່ວຍໃຫ້ນັກພັດທະນາ ແລະ ນັກອອກແບບວີດີໂອເກມສາມາດສ້າງສະພາບແວດລ້ອມແບບໂຕ້ຕອບທີ່ສົມຈິງໃນຄອມພິວເຕີ, ມືຖື ແລະ ແພລັດຟອມ Console ຕະຫຼອດຈົນຮອດ ໂລກຈຳລອງຄວາມເປັນຈິງ (virtual reality), ຄວາມເປັນຈິງເສີມ (augmented reality) ແລະ ຄວາມເປັນຈິງປະສົມ (mixed reality).

⏰ ປັດຈຸບັນ, UE ໄດ້ປ່ອຍອອກມາແລ້ວ 5 ເວີຊັນດ້ວຍກັນ ແລະ ເວີຊັນຫຼ້າສຸດ Unreal Engine 5 ຫາກໍປ່ອຍໃຫ້ທົດລອງໃຊ້ແບບສົດໆຮ້ອນໆໃນວັນທີ26 ເດືອນພຶດສະພາ ປີ2021 ທີ່ຜ່ານມານີ້ເອງ ແລະ ຄາດວ່າເວິຊັນເຕັມຈະຖືກປ່ອຍໃນຕົ້ນປີ 2022.

Unreal Engine 4 ແມ່ນໄດ້ຖືກຍອມຮັບຈາກນັກພັດທະນາ ແລະ ໄດ້ຖືກນຳໃຊ້ໃນຫຼາຍໆເກມທີ່ໄດ້ຮັບຄວາມນິຍົມເຊັ່ນ:

1️⃣ PUBG.
2️⃣ Final Fantasy VII Remake.
3️⃣ The Walking Dead Onslaught.
4️⃣ Little nightmares II.
5️⃣ Dead by Daylight.
ແລະ ເກມອື່ນໆອີກຫຼາກຫຼາຍ ເຊິ່ງໃນຕອນນີ້ UE 4 ກໍມີອາຍຸໄດ້ 7 ປີແລ້ວ ຕັ້ງແຕ່ເປີດໂຕຄັ້ງທຳອິດໃນປີ 2014 ໃນເກມ Daylight.

ນອກນີ້, UE ກໍໄດ້ຖືກນຳໃນໂດຍບໍລິສັດເກມຍັກໃຫຍ່ຄື:

⭐️ Nintendo.
⭐️ Valve Corporation.
⭐️ Rockstar Games.
⭐️ Electronic Arts.
⭐️ Sony Computer Entertainment.
⭐️ Activision Blizzard.

ຈຸດດີຫຼັກໆຂອງ UE ມີ:
• ຄຸນນະພາບຂອງກາຟິກຂອງ Unreal Engine ແມ່ນດີຫຼາຍ ແລະ ສາມາດໃຊ້ງານໄດ້ຈິງໄດ້.
• ຄວາມສາມາດໃຊ້ງານຂອງໂປແກຼມແມ່ນມີຄວາມຕ້ອງການຫລາຍ.
• UI ຂອງ Unreal Engine ມີການອັບເດດຢູ່ຕະຫຼອດດ້ວຍເຄື່ອງມື ແລະ ຕົວເລືອກຫຼ້າສຸດ ແລະ ໃໝ່ກວ່າເກົ່າ.
• ມີ codes ງ່າຍໆ ແລະ ໃຊ້ nodes ທີ່ເອີ້ນວ່າ Blueprints. nodes ຊ່ວຍໃຫ້ຜູ້ໃຊ້ສາມາດສ້າງວີດີໂອເກມ ແລະ ເກມ ລະດັບເທບໄດ້ໂດຍບໍ່ຕ້ອງຂຽນ scripts and codes.
*Nodes ໃນລະບົບເຄືອຂ່າຍແມ່ນຈຸດເຊື່ອມຕໍ່ ຫຼື ຈຸດແຈກຢາຍຊຳ້ ຫຼື ປາຍທາງຂອງການສື່ສານ, ແຕ່ໃນວິທະຍາສາດຄອມພິວເຕີແມ່ນອຸປະກອນຕ່າງໆທີ່ເຊື່ອມຕໍ່ດັບເຄືອຂ່າຍ ແລະ ສາມາດຕິດຕໍ່ສື່ສານກັບເອຸແະກອນອື່ນໃນເຄືອຂ່າຍໄດ້ເຊັ່ນ: ຄອມ, ມືຖື ຫຼື ພຣິ້ນເຕີ ກໍນັບວ່າເປັນ Node.
— — — — — — — — — — — — — — — — — — — — — — — —
ແຫຼ່ງຂໍ້ມູນ
(1) https://www.codecademy.com/articles/unreal-intro
(2) https://www.educba.com/what-is-unreal-engine/

No Comments
Post a Comment