Meituan Dianping ແພລັດຟອມແອັບພລິເຄຊັນຂອງຄົນຈີນທີ່ແຊງໜ້າ ele.me ຂອງ Alibaba

Comet Digital Agency Laos / Uncategorized  / Meituan Dianping ແພລັດຟອມແອັບພລິເຄຊັນຂອງຄົນຈີນທີ່ແຊງໜ້າ ele.me ຂອງ Alibaba

Meituan Dianping ແພລັດຟອມແອັບພລິເຄຊັນຂອງຄົນຈີນທີ່ແຊງໜ້າ ele.me ຂອງ Alibaba

ເມື່ອເວົ້າເຖິງທຸລະກິດ Food Delivery ເຮົາຄົງຈະຮັບຮູ້ແລ້ວວ່າເປັນອຸດສະຫະກຳທີ່ໃຫຍ່ ແລະ ແຂ່ງຂັນກັນຢ່າງດຸເດືອດ ໃນອາຊີຕາເວັນອອກສ່ຽງໃຕ້ຜູ້ຫຼິ້ນລາຍໃຫຍ່ກໍຈະມີ Grab, LINEMAN, ແລະ ໃນບ້ານເຮົາກໍຍັງມີ Foodpanda ແລະ Goteddy. ແຕ່ສຳລັບອ້າຍໃຫຍ່ແບບຈີນແລ້ວ ຜູ້ທີ່ຊະນະໃນເກມຄັ້ງນີ້ ຄົງໜີບໍ່ພົ້ນແບຣນ “Meituan Dianping”

“Meituan ” ສ້າງຕັ້ງຂຶ້ນໃນເດືອນພຶດສະພາ ປີ 2010 ໂດຍທ່ານ Wang Xing

ຊ່ວງນັ້ນເປັນຊ່ວງທີ່ທຸລະກິດ Group buying ຫຼື ການຊື້ແບບກຸ່ມກຳລັງໄດ້ຮັບຄວາມນິຍົມໃນສະຫະລັດອາເມລິກາ ໂດຍທີ່ຜູ້ຂາຍສິນຄ້າລາຄາຖືກໃຫ້ກັບຜູ້ຊື້ຖ້າຈຳນວນຊື້ຫຼາຍພໍ ໃນຂະນະນັ້ນ Groupon ຄືບໍລິສັດສະຕາດອັບທີ່ໃຫ້ບໍລິການການຊື້ແບບກຸ່ມທີ່ມາແຮງຫຼາຍ. ທ່ານ Wang Xing ຈຶ່ງນຳໂມເດວຂອງ Groupon ມາສ້າງບໍລິສັດຂອງເຂົາຊື່ວ່າ “Meituan”. ນອກຈາກນັ້ນ, ລາວຍັງພະຍາຍາມອອກແບບແພລັດຟອມໃຫ້ມີບໍລິການອື່ນ ບໍ່ວ່າຈະເປັນທຸລະກິດ Food Delivery, ຊື້ຂາຍສິນຄ້າອອນລາຍ, ຣີວິວຮ້ານອາຫານ ໆລໆ

ກ່ອນຈະມາເປັນ Meituan Dianping ທັງສອງເຄີຍແຍກການໃຫ້ບໍລິການຢ່າງຊັດເຈນກໍຄື:
ໃນຕອນນັ້ນ ມີບໍລິສັດທີ່ເຂົ້າມາໃນຕະຫຼາດຣີວິວອາຫານ ແລະ ວິຖີຊີວິດ (Life style) ກ່ອນແລ້ວ. ບໍລິສັດນັ້ນກໍຄື “Dianping” ເຊິ່ງເຂົ້າມາຫຼິ້ນໃນອຸດສາຫະກຳ Group buying ເຊັ່ນດຽວກັນ.

ຕໍ່ມາປີ 2015 ຕໍ່ມາສະຕາດອັບທັງສອງລາຍນີ້ໄດ້ຮວມກິດຈະການເຂົ້າກັນ ແລະ ປ່ຽນຊື່ບໍລິສັດມາເປັນ “Meituan-Dianping” ແຕ່ຍັງດຳເນີນແຍກກັນເຮັດທຸລະກິດໃນສ່ວນຂອງຕົນເອງ ເຊິ່ງເປັນແອັບພລິເຄຊັນໃຜມັນ ແຕ່ Database ທຸກຢ່າງຮ່ວມກັນ.

Meituan ມີຄວາມໂດດເດັ່ນໃນດ້ານຄູປ່ອງສ່ວນລົດຕ່າງໆ ຄ້າຍຄືກັບ Groupon ຂອງທາງຕາເວັນຕົກ.
ສ່ວນ Dianping ມີຄວາມໂດດເດັ່ນໃນເລື່ອງແພລັດຟອມສຳລັບນັກທ່ອງທ່ຽວຈີນທີ່ຕ້ອງຫາຂໍ້ມູນໃນດ້ານການຣີວິວຮ້ານອາຫານ ແລະ ຮ້ານຄ້າຄ້າຍຄື tripadvisor.

ຖ້າຖາມວ່າເປັນຫຍັງຄົນຈີນ ຫຼື ນັກສືກສາຄົນລາວທີ່ໄປຮຽນຢູ່ຈີນຕ້ອງດາວໂຫຼດແອັບນີ້ໄວ້ເຖິງມືຖືຕົນເອງ ຍ້ອນຫຍັງມາເບິ່ງກັນເລີຍ!!!

ປະຈຸບັນ “Meituan-Dianping” ເວົ້າໄດ້ເລີຍວ່າເປັນແອັບພລິເຄຊັນຍອດນິຍົມຂອງຄົນຈີນທັງໃນປະເທດຈີນ ແລະ ນັກທ່ອງທ່ຽວຈີນທີ່ເດີນທາງໄປຕ່າງປະເທດຈະຄົ້ນຫາຂໍ້ມູນຈາກແອັບນີ້ ເພາະມີທຸກຢ່າງໃນຊີວິດປະຈຳວັນເຊັ່ນ: Meituan Waimai (ສັ່ງອາຫານ) ແລະ Maoyan (ຈອງປີ້ໜັງ) ບໍລິການອື່ນທີ່ມີຢູ່ໃນ Meituan Dianping ເຊັ່ນ: ສັ່ງຊື້ເຄື່ອງ, ຈອງຮ້ານນວດ, ຈອງຮ້ານເຮັດຜົມ, ຈອງຮ້ານເຮັດເລັບ, ບໍລິການລ້າງລົດເຖິງທີ່, ຈອງທີ່ພັກອາໄສເລື່ອງການເດີນທາງຍານພະຫານະຕ່າງໆຄ້າຍກັບ Uber ຫຼື ເຊົ່າລົດຖີບຕາມຕົວເມືອງ ແລະ ອື່ນໆ.

ເພາະ Meituan-Dianping ເປັນທຸກຢ່າງໃຫ້ເຂົາເຈົ້າໃນຊິວິດປະຈຳວັນເລີຍກໍວ່າໄດ້ ຫຼື ທີ່ເພິ່ນເອີ້ນກັນວ່າ Super App ທີ່ບັນຈຸຟັງຊັ່ນຫຼາກຫຼາຍເອົາໄວ້ຕັ້ງແຕ່ສັ່ງອາຫານ,ຈອງຫ້ອງພັກ, ຈອງປີ້ລົດໄຟ ຫຼື ຊື້ສິນຄ້າອອນລາຍຈົນເຖິງການເຮັດທຸລະກຳດ້ານການເງິນ

**Super App ແມ່ນແອັບພລິເຄຊັນທີ່ຄວບຄຸມສິນຄ້າ ແລະ ບໍລິການໃນຫຼາກຫຼາຍໝວດໝູ່ ເຊິ່ງສິ່ງທີ່ສຳຄັນໃນການສ້າງ Super App ຂຶ້ນມານີ້ ຢ່າງໜ້ອຍຜູ້ໃຊ້ງານຕ້ອງການເປີດໃຊ້ງານ 01 ຄັ້ງຕໍ່ວັນ.

ມີຜູ້ໃຊ້ງານຕໍ່ເດືອນຫຼາຍເຖິງ 600 ລ້ານບັນຊີ (account) ແລະ ໃນຈຳນວນນີ້ເປັນ Annual Active Buyer ປະມານ 400 ລ້ານຄົນ ໂດຍມີຮ້ານຄ້າຕ່າງໆທີ່ເຂົ້າຮ່ວມນຳ Meituan-Dianping ຫຼາຍວ່າ 4.7 ລ້ານກວ່າຮ້ານຄ້າ ໃນ 2,800 ຕົວເມືອງໃນປະເທດຈີນ.

Meituan-Dianping ໄດ້ຄອງສ່ວນຕະຫຼາດເຖິງ 65% ໃນຂະນະທີ່ ele.me ຂອງ Alibaba ນັ້ນຄອງສ່ວນຕະຫຼາດຈີນພຽງແຕ່ 27%

ປີ 2019 ໄດ້ສ້າງກຳໄລໄປກວ່າ 330ລ້ານດອນລ້າ ແລະ ສົ່ງຜົນໃຫ້ຕອນນີ້ Meituan
ກາຍເປັນບໍລິສັດເທັກໂນໂລຢີທີ່ມີມູນຄ່າຫຼາຍທີ່ສຸດອັນດັບ 3ຂອງຈີນ ເປັນຮອງແຕ່ Tencent ແລະ Alibaba.
ໃນຂະນະດຽວກັນກໍເປັນ Food delivery ທີ່ໃຫຍ່ທີ່ສຸດໃນໂລກແມ່ນຈີນ ຮອງມາແມ່ນອາເມລິກາ ແລະ ອິນເດຍ Meituan Waimai (ສ່ວນໜຶ່ງຂອງ Meituan-Dianping)

ຕະຫຼາດ Food Delivery ຍັງເຕີບໂຕຢ່າງຕໍ່ເນື່ອງ ແລະ ຄາດການວ່າຈະໂຕເຖິງ 6 ໝື່ນລ້ານດອນລ້າ.

Q2 2020 ລາຍໄດ້ຢູ່ທີ່ 24,722 ລ້ານຫຍວນ
Q1 2020 ລາຍໄດ້ຢູ່ທີ່ 16,754 ລ້ານຫຍວນ
Q4 2019 ລາຍໄດ້ຢູ່ທີ່ 28,158 ລ້ານຫຍວນ
Q3 2019 ລາຍໄດ້ຢູ່ທີ່ 27,494 ລ້ານຫຍວນ


ເມື່ອຖາມຫາເຫດຜົນຫຼັກທີ່ເຮັດໃຫ້ Meituan Dianping ເຕີບໂຕແຮງແມ່ນມາຈາກຈຸດເດັ່ນຂອງທັງສອງແພລັດຟອມທັງເຈົ້າແຫ່ງໂປໂມຊັ່ນ ແລະ ຜູ້ຊີ້ພິກັດແຫ່ງບ່ອນກິນບ່ອນທ່ຽວເມື່ອນຳມາຮ່ວມເຂົ້າກັນ ຈຶ່ງຕອບໂຈດຜູ້ບໍລິໂພກໄດ້ຫຼາຍກວ່າໃຜ

ຄວາມແຕກຕ່າງວິທີຄິດແບບຈີນ ແລະ ວິທີຄິດແບບຕາເວັນຕົກ

ແອັບພລິເຄຊັນບໍລິການທ້ອງຖິ່ນຂອງຈີນມີເກືອບທຸກຢ່າງ, ເຮັດໄດ້ເກືອນທຸກສິ່ງ ແນວຄິດແນວນີ້ເອີ້ນວ່າ “Super App” ເປັນການບໍລິການທີ່ເດລິເວີລີ່ທຸກຢ່າງ ໃນຂະນະທີ່ແອັບພລິເຄຊັນຂອງຝາກຕາເວັນຕົກສ່ວນໃຫຍ່ຈະຍຶດຖືແນວຄິດ “ຄວາມຊ່ຽວຊານສະເພາະດ້ານ” ຈຶ່ງບໍ່ແປກໃຈທີ່ເຮົາຈະເຫັນແອັບຢ່າງ Facebook ແຍກຕົວ Messager ອອກມາຕ່າງຫາກ.

ແຫຼ່ງທີ່ມາ:
https://bottomliner.co/stock/meituan-dianping/https://bottomliner.co/stock/meituan-dianping/
https://nextbn.ggvc.com/opinions/meituan-dianpings-path-towards-profitability/ https://nextbn.ggvc.com/opinions/meituan-dianpings-path-towards-profitability/
https://www.finnomena.com/u_____n/meituan-dianping-chinese-lifestyle/https://www.finnomena.com/u_____n/meituan-dianping-chinese-lifestyle/
https://www.marketingoops.com/podcast/china-market-insights/cmi-ep-8/https://www.marketingoops.com/podcast/china-market-insights/cmi-ep-8/
https://www.longtunman.com/28008https://www.longtunman.com/28008
https://www.blockdit.com/posts/5eaeaa88f2d77f0ca4662676https://www.blockdit.com/posts/5eaeaa88f2d77f0ca4662676
https://www.blognone.com/node/102974https://www.blognone.com/node/102974
https://www.brandbuffet.in.th/2019/08/meituan-dianping-food-delivery-from-china-in-thailand/https://www.brandbuffet.in.th/2019/08/meituan-dianping-food-delivery-from-china-in-thailand/
https://about.meituan.com/enhttps://about.meituan.com/en

No Comments
Post a Comment