ປະເດັນກົດໝາຍໃໝ່ຂອງ Australia ໃຫ້ແພລັດຟອມອອນລາຍຢ່າງ Google ແລະ Facebook ຈ່າຍເງິນຄ່າເນື້ອຫາໃຫ້ສຳນັກຂ່າວ ແລະ ບໍລິສັດສື່ເພື່ອນຳເນື້ອຫາມາປະກົດຢູ່ແພລັດຟອມ ຫຼື New media Bargaining Code

Comet Digital Agency Laos / Blog  / Uncategorized  / ປະເດັນກົດໝາຍໃໝ່ຂອງ Australia ໃຫ້ແພລັດຟອມອອນລາຍຢ່າງ Google ແລະ Facebook ຈ່າຍເງິນຄ່າເນື້ອຫາໃຫ້ສຳນັກຂ່າວ ແລະ ບໍລິສັດສື່ເພື່ອນຳເນື້ອຫາມາປະກົດຢູ່ແພລັດຟອມ ຫຼື New media Bargaining Code

ປະເດັນກົດໝາຍໃໝ່ຂອງ Australia ໃຫ້ແພລັດຟອມອອນລາຍຢ່າງ Google ແລະ Facebook ຈ່າຍເງິນຄ່າເນື້ອຫາໃຫ້ສຳນັກຂ່າວ ແລະ ບໍລິສັດສື່ເພື່ອນຳເນື້ອຫາມາປະກົດຢູ່ແພລັດຟອມ ຫຼື New media Bargaining Code

ເມື່ອວັນທີ 09 ທັນວາ 2020 ທ່ານ Josh Frydenberg ລັດຖະມົນຕີກະຊວງການຄັງຂອງອົດສະຕາລີສະເໜີກົດໝາຍຊຸດໃໝ່ຕໍ່ລັດຖະສະພາ ເຊິ່ງຖືເປັນກົດໝາຍສະບັບຄັ້ງທຳອິດຂອງໂລກ ທີ່ບັງຄັບຍັກໃຫຍ່ໃນວົງການເທັກໂນໂລຢີຢ່າງ Google ແລະ Facebook ຈ່າຍເງິນຕ່າເຜີຍແຜ່ຂ່າວສານໃນອົດສະຕາລີ.
Frydenberg ກ່າວວ່າ ກົດໝາຍສະບັບນີ້ເປັນຜົນມາຈາກການທີ່ຄະນະກຳມະການຄຸ້ມຄອງຜູ້ບໍລິໂພກ ແລະ ການແຂ່ງຂັນແຫ່ງອົດສະຕາລີ (ACCC) ດຳເນີນກວດສອບແພັລດຟອມດິຈິຕອນມາ 3ປີ ເພື່ອຮອງຮັບ ກົດລະບຽບເທິງໂລກດິຈິຕອນສອດຄ້ອງກັບລະບຽບໃນໂລກຂອງຄວາມເປັນຈິງ.
ການກວດສອບພົບວ່າ ຈາກຄ່າຊື້ໂຄສະນາອອນລາຍທຸກໆ AU$100. ທາງ Google ຈະໄດ້ຮັບ AU$53 ແລະ Facebook ໄດ້ຮັບ AU$28, ໃນຂະນະບໍລິສັດອື່ນໆຈະໄດ້ຮັບສ່ວນທີ່ເຫຼືອພຽງ AU$19.
ທາງ Google ມີທ່າທີອ່ອນຂໍ້ກັບກົດໝາຍໃໝ່ຂຶ້ນ ຈາກເດີມທີ່ຕ້ານຕະຫຼອດເຖິງຂັ້ນຂູ່ວ່າຈະເອົາ ບໍລິການຄົ້ນ (Search Engine) ອອກຈາກປະເທດ.
Google ຍອມເຮັດຂໍ້ຕົກລົງຈ່າຍເງິນໃຫ້ບໍລິສັດສື່ໃຫຍ່ໃນອົດສະຕາລີ 02 ເຈົ້າໃຫຍ່ຄື: Nine Entertaiment ເປັນຈຳນວນເງິນ $23 ລ້ານຕໍ່ປີ ແລະ ບໍລິສັດ Seven West ເຈົ້າຂອງສື່ໂທລະທັດ-ສິ່ງພິມ ເປັນເງິນ $30 ລ້ານ.
ໃນວັນທີ 17 ກຸມພາ 2021 Facebook ໄດ້ປິດກັ້ນສື່ຜູ້ຜະລິດເນື້ອຫາ ແລະ ສຳນັກຂ່າວຂອງອົດສະຕາລີຖືກຈຳກັດບໍ່ໃຫ້ແບ່ງປັນ ຫຼື ໂພສ; ສ່ວນສຳນັກຂ່າວໃນປະເທດ ຜູ້ໃຊ້ງານຊາວອັອດຊີ ແລະ ຜູ້ຄົນຕ່າງປະເທດທີ່ອາໄສຢູ່ຫັ້ນຈະບໍ່ສາມາດເບິ່ງ ຫຼື ແຊລ໌ລິ້ງເຜີຍແຜ່ເນື້ອຫາເທິງ Facebook ໄດ້ຕໍ່ໄປ.
Facebook ໄດ້ຖະແຫຼງການວ່າ “ເມື່ອເຮົາບໍ່ມີທາງເລືອກ ເຮົາຈຶ່ງປະຕິບັດຕາມກົດໝາຍທີ່ເພີກເຊີຍຕໍ່ຄວາມເປັນຈິງ ໂດຍການບລ໊ອກເນື້ອຫາຂ່າວທັງໝົດໃນອົດສະຕາລີ”
ແລະ ໃຫ້ເຫດຜົນຍ້ອນວ່າ ປີທີ່ຜ່ານມາໄດ້ສ້າງການອ້າງອີງເຖິງຜູ້ເຜີຍແຜ່ຂໍ້ມູນຂ່າວສານໃນອົດສະຕາລີໂດຍບໍ່ຄິດຄ່າໃຊ້ຈ່າຍເຖິງ 5.100 ລ້ານຄັ້ງ ມູນຄ່າປະມານ AU$407 ລ້ານ. ແຕ່ກຳໄລສຳລັບທຸລະກິດຈາກຂ່າວສານຂອງ Facebook ໄດ້ໜ້ອຍກວ່າ 4%. ການຮັບຂ່າວສານເປັນສິ່ງສຳຄັນທີ່ອອກສູ່ສາຍຕາຜູ້ຄົນແບບເປັນປະຊາທິປະໄຕ ນັ້ນເປັນເຫດ ແລະ ຜົນ ທີ່ Facebook ຕັ້ງໃຈອຸທິດສ້າງເຄື່ອງມືທີ່ຟຣີ ເພື່ອສະໜັບສະໜູນອົງກອນທົ່ວໂລກສຳລັບການສ້າງເນື້ອຫາໃຫ້ຜູ້ໃຊ້ງານເທິງແພັລດຟອມໄດ້ອ່ານ.
ຜູ້ຊ່ຽວຊານກ່າວວ່າ ການກະທຳຄັ້ງນີ້ ບໍ່ໄດ້ກະທົບແຕ່ອົດສະຕາລີເທົ່ານັ້ນ ລວມເຖິງຄົນໃນພູມມິພາກປາຊີຟິກ ໂດຍສະເພາະຜູ້ຄົນທີ່ມີລາຍໄດ້ຈຳກັດ ເພາະການອ່ານຂໍ້ມູນຜ່ານ Facebook ນັ້ນໃຊ້ດາຕ້າ (Data) ໜ້ອຍກວ່າ ແລະ ປະຢັດກວ່າເມື່ອທຽບກັບການໄປອ່ານໜ້າເວັບໄຊ
ຜູ້ຄົນໃນນັ້ນມີຄວາມຄິດເຫັນເປັນສອງສຽງ: ກຸ່ມໜຶ່ງຮູ້ສຶກບໍ່ພໍໃຈ ແລະ ເລີ່ມປິດບັນຊີ; ອີກກຸ່ມບໍ່ພໍໃຈລົດຖະບານໃນການກະທຳເທື່ອຄັ້ງນີ້. ປະຈຸບັນມີຊາວອົດສະຕາລິ 17ລ້ານຄົນໃຊ້ Facebook ໃນແຕ່ລະມື້ ຄິດເປັນ 67% ຂອງປະຊາກອນ 25 ລ້ານຄົນ ອາຍຸລະຫວ່າງ 25–34 ປີ.
ນອກຈາກນີ້ ຜູ້ໃຊ້ງານໃນປະເທດອື່ນໆ ກໍບໍ່ສາມາດເຫັນຂ່າວສານໃນອົດສະຕາລີຜ່ານ Facebook ໄດ້, ທາງບ້ານເຮົາກໍບໍ່ສາມາດເຂົ້າ Facebook page ທີ່ເປັນ media ໄດ້ເຊັ່ນກັນ:
ຕົວຢ່າງ:
1.Page: ABC News (@adcnews.au)
2.Page: ABC Australia (@abc)
3.Page: ABC Perth (@abcperth)
4.Page: ABC Sydney (@abcinsydne)
ຜົນການຈາກການຂັດແຍ້ງນີ້ກໍສົ່ງຜົນເຮັດໃຫ້ກະທົບຕໍ່ລາຍໄດ້ໂຄສະນາໃນປະເທດ ລາຍງານລ່າສຸດຈາກ Reuters ແຈ້ງມາວ່າ ທ່ານນາຍົກອົດສະຕາລີ Scott Morrison ກ່າວວ່າ ມີການເຈລະຈາກັບ Facebook ເພີ່ມເຕີມ ໂດຍມີການປະສານງານຜ່ານ Josh Frydenberg ເຊິ່ງເພິ່ນໄດ້ບອກວ່າ ໄດ້ມີການໂອ້ລົມນຳ Mark Zuckerberg ແລະ ຈະມີການເຈລະຈາເພີ່ມເຕີມກັນອີກເທື່ອ. ສ່ວນທາງ Facebook ຍັງບໍ່ໄດ້ອອກມາກ່າວຍັງເທື່ອ.
ແຫຼ່ງທີ່ມາ:
The Bangkok InsightThe Bangkok Insight
Blognone(1)Blognone(1)
Blognone(2)Blognone(2)
ThumbsupThumbsup
FacebookFacebook
MarketingoopsMarketingoops
Youtube TNN onlineYoutube TNN online

No Comments
Post a Comment