ຢາກສົ່ງສິນຄ້າອອນລາຍ ເລືອກໃຊ້ຂົນສົ່ງໃດດີ…??

Comet Digital Agency Laos / Innovation  / Ideas  / ຢາກສົ່ງສິນຄ້າອອນລາຍ ເລືອກໃຊ້ຂົນສົ່ງໃດດີ…??

ຢາກສົ່ງສິນຄ້າອອນລາຍ ເລືອກໃຊ້ຂົນສົ່ງໃດດີ…??

ການແຂ່ງຂັນທຸລະກິດຂົນສົ່ງໃນລາວປະຈຸບັນນີ້ ກຳລັງໜາແໜ້ນຂຶ້ນຢ່າງເຫັນໄດ້ຊັດ ເນື່ອງຈາກອັດຕາການເຕີບໂຕຂອງຮ້ານຄ້າອອນລາຍ ຫຼື ການຄ້າຜ່ານລະບົບອິເລັກໂຕຼນິກ ທີ່ເພີ່ມຂຶ້ນຈາກປັດໄຈຕ່າງໆ ບໍ່ວ່າຈະແມ່ນການພັດທະນາຂອງເຕັກໂນໂລຢີ ຫຼື ການເກິດຂຶ້ນຂອງໂລກລະບາດເຊັ່ນ Covid-19 ທີ່ເຮັດໃຫ້ຜູ້ບໍລິໂພກບໍ່ຕ້ອງການອອກຈາກບ້ານ.
ລອງສັງເກດຕາມຖະໜົນຫົນທາງ ໂດຍສະເພາະໃນເຂດນະຄອນຫຼວງ ຈະມີລົດຈັກພ້ອມກ່ອງໃສ່ເຄື່ອງທ້າຍລົດຫຼາກຫຼາຍສີ. ນອກຈາກສີບົວ ແລະ ສີຟ້າ ທີ່ແມ່ນລົດຂອງບໍລິສັດສັ່ງອາຫານລາຍໃຫຍ່ແລ້ວກໍຍັງມີ ສີແດງ, ສີເຫຼືອງ, ສີຂາວ, ສີຂຽວ ແລະ ສີອື່ນໆ ທີ່ຮັບບໍລິການຂົນສົ່ງເຄື່ອງອອນລາຍທຸກຢ່າງ. ຈາກການຄົ້ນຫາບໍລິການນີ້ທາງ Facebook, ແອດພົບຫຼາຍກວ່າ 20 page ທີ່ໃຫ້ບໍລິການ! ແມ່ນແລ້ວ ຫຼາຍກວ່າ 20 ອີ່ຫຼີ…
ແລ້ວຖ້າທ່ານແມ່ນຮ້ານຄ້າ ທ່ານຈະເລືອກໃຊ້ບໍລິການຂົນສົ່ງຈາກປັດໄຈໃດດີລະ ??
1. ຈຳນວນຈຸດບໍລິການ ຫຼື ສາຂາທີ່ຮັບ-ສົ່ງເຄື່ອງ, ມີໜ້ອຍຫຼາຍ ຫຼື ຢູ່ເຂດໃດແດ່
2. ລາຄາທີ່ບໍ່ແພງເກີນໄປ
3. ໄລຍະເວລາການສົ່ງ, ຄວາມໄວໃນການລໍຖ້າຮັບເຄື່ອງ
4. ຄວາມໜ້າເຊື່ອຖືຂອງຜູ້ໃຫ້ບໍລິການ
5. ລະບົບຕິດຕາມເຄື່ອງ, ເຕັກໂນໂລຢີທີ່ທັນສະໄໝທັງຝັ່ງຮ້ານຄ້າ ແລະ ລູກຄ້າ

ແອດຈະຂໍວິເຄາະພາບລວມຂອງຜູ້ໃຫ້ບໍລິການຂົນສົ່ງໃນລາວອີງຕາມປັດໄຈຂ້າງເທິງນີ້.
ຜູ້ນຳຕະຫຼາດລາຍໃຫຍ່ ທີ່ມາແຮງໃນປະຈຸບັນນີ້ ແອດເຊື່ອວ່າຜູ້ອ່ານຫຼາຍຄົນຕ້ອງຮູ້ຈັກກັບບໍລິສັດນີ້ແນ່ນອນ ບໍລິສັດ ຮຸ່ງອາລຸນ ຂົນສົ່ງດ່ວນ ທີ່ມີຈຳນວນຈຸດບໍລິການຫຼາຍກວ່າໝູ່ ແລະ ມີບໍລິການທົ່ວປະເທດ ນອກນີ້ ດ້ວຍການບໍລິຫານ ຂອງຜູ້ນຳ ທີ່ໃຫ້ຄວາມສຳຄັນຕໍ່ການນຳໃຊ້ເຕັກໂນໂລຢີເຂົ້າມາຊ່ວຍພັດທະນາໃນທຸລະກິດ ໄດ້ສ້າງຄວາມໜ້າເຊື່ອຖື ຫຼາຍຂຶ້ນ ແລະ ກາຍເປັນຈຸດແຂງໃຫ້ກັບທາງບໍລິສັດຮຸ່ງອາລຸນ.
ແຕ່ຖ້າເບິ່ງແຄ່ຕະຫຼາດພາຍໃນຕົວເມືອງນະຄອນຫຼວງ…ການແຂ່ງຂັນຂອງຕະຫຼາດຂົນສົ່ງນີ້ ແມ່ນນັບມື້ນັບສູງຂຶ້ນ ຈາກການພົບຜູ້ໃຫ້ບໍລິການຫຼາຍກວ່າ 20 ທາງເລືອກ ເຊິ່ງສ່ວນໃຫຍ່ແມ່ນຜູ້ໃຫ້ບໍລິການຂະໜາດນ້ອຍ ທີ່ຍັງບໍ່ໄດ້ນຳໃຊ້ ເຕັກໂນໂລຢີເຂົ້າຊ່ວຍພັດທະນາໃນດ້ານບໍລິການ.

ແອດໄດ້ລວມເອົາລາຍຊື່ຜູ້ໃຫ້ບໍລິການໃນນະຄອນຫຼວງໄວ້ບາງຈຳນວນ ຜູ້ອ່ານທີ່ຕ້ອງການເລືອກໃຊ້ບໍລິການສາມາດ ຊອກຊື່ໃນ Facebook page ຕາມລາຍຊື່ລຸ່ມນີ້ໄດ້ເລີຍ:

Facebook Pages:
HAL Logistics ຮຸ່ງອາລຸນ ຂົນສົ່ງດ່ວນ
ບໍລິສັດກຽງໄກ ຂົນສົ່ງ ດ່ວນ KringKrai Express
ບໍລິສັດ ມີໄຊ ຂົນສົ່ງ Mixay Express
Insee Express
ໂຊກດີ ຂົນສົ່ງ Sokdee Express
ANS EXPRESS
Eazy Delivery
Sabaidee - Delivery in Laos
EasySpeed
Me Express
Idea express
Lingnoy Delivery
ຂົນສົ່ງ
ມົດແດງໄຟ Delivery
MG Delivery
GT ບໍລິການຂົນສົ່ງດ່ວນ
Toukta Delivery
Nokkeo Express
ໄວຄັກ ຂົນສົ່ງດ່ວນ
ອານົນ ຂົນສົ່ງດ່ວນ ANON Express
ແສນສຸກ ຂົນສົ່ງດ່ວນ-ວ່ອງໄວ SaenSouk EXPress
Maxkee ຂົນສົ່ງດ່ວນ
YES Delivery-ວາຍອີເອສ ບໍລິການຂົນສົ່ງດ່ວນ
Xai ບໍລິການສົ່ງເຄື່ອງໃນນະຄອນຫຼວງ
Phoungern Delivery ພູເງິນຂົນສົ່ງ

delivery in laos article by comet digital agency

ຮູບພາບປະກອບ: tech.co

ໃນຂະນະທີ່ທຸລະກິດຂົນສົ່ງໃນລາວກຳລັງເລີ່ມຕົ້ນ ແລະ ຍັງຂາດການນຳເອົາເຕັກໂນໂລຢີທີ່ທັນສະໄໝເຂົ້າມາພັດທະນາ ແອດຢາກຂໍອັບເດດສະຖານະການ ແລະ ນະວັດຕະກຳຂອງທຸລະກິດ ຂົນສົ່ງໃນຕ່າງປະເທດໃຫ້ຜູ້ອ່ານໄດ້ຕິດຕາມນຳກັນ ເຊັ່ນ ການນຳໃຊ້ທາງເລືອກລະບົບອັດຕະໂນມັດ ກໍຄື drones ແລະ ຫຸ່ນຍົນ.

ໃນປີ 2016, Jeff Bezos ໄດ້ເປິດໂຕ Amazon Prime Air - ລະບົບການຈັດສົ່ງອັດຕະໂນມັດໂດຍໃຊ້ drones ແລະ ຫຸ່ນຍົນເພື່ອຈັດການການຈັດສົ່ງສິນຄ້າໃນມື້ດຽວ. Bezos ກ່າວວ່າການຈັດສົ່ງອັດຕະໂນມັດ ໄດ້ເປິດໂອກາດ “ການຫຼຸດຜ່ອນຄ່າໃຊ້ຈ່າຍທີ່ສຳຄັນທີ່ສຸດ” ສຳລັບ Amazon, ສາມາດປະຢັດໄດ້ ປະມານ 80% ຂອງມູນຄ່າໃນການ ຂົນສົ່ງລະຫວ່າງສາງ ແລະ ເຮືອນຂອງລູກຄ້າ.
ທຸລະກິດທົ່ວໂລກໄດ້ເລີ່ມທົດລອງໃຊ້ລະບົບການຈັດສົ່ງໃໝ່ນີ້ ເພື່ອຮີບສ້າງຈຸດໄດ້ປຽບໃນຕະຫຼາດນີ້. ຍົກຕົວຢ່າງ, Google ໄດ້ທົດສອບການຈັດສົ່ງ drone ໃນ Canberra ຜ່ານທຸລະກິດໃນເຄືອຂອງພວກເຂົາທີ່ມີຊື່ວ່າ Wing.

ນັບຕັ້ງແຕ່ປີ 2018, Wing ໄດ້ໃຫ້ບໍລິການສົ່ງກາເຟ, ອາຫານ, ແລະ ແມ້ແຕ່ຢາໃຫ້ກັບລູກຄ້າໃນເມືອງ Canberra. ຄວາມຕ້ອງການ ສຳລັບການບໍລິການຂອງພວກເຂົາໄດ້ເພີ່ມຂື້ນ 500% ໃນຊ່ວງລະຫວ່າງການລະບາດຂອງ COVID-19 ແລະ ດຽວນີ້ Wing ໄດ້ຂະຫຍາຍບໍລິການໄປ ເມືອງ Queensland ທີ່ມີລູກຄ້າຫລາຍພັນຄົນ ໃນໄລຍະສອງຫາສາມເດືອນທີ່ຜ່ານມາ.

ນີ້ແມ່ນຕົວຢ່າງຂອງບາດກ້າວທີ່ສຳຄັນຂອງທຸລະກິດຂົນສົ່ງໃນອະນາຄົດຈາກຕະຫຼາດຢູ່ຕ່າງປະເທດ ຄືການນຳເອົາເຕັກໂນໂລຢີເຂົ້າມາຊ່ວຍພັດທະນາດ້ານການບໍລິການໃຫ້ມີໄລຍະເວລາທີ່ສັ້ນທີ່ສຸດເທົ່າທີ່ຈະເປັນໄປໄດ້. ສຳລັບປະເທດລາວເຮົາ, ແອດກໍຫວັງວ່າໃນອະນາຄົດຈະເຫັນຫຼາຍບໍລິສັດໃນທຸລະກິດຂົນສົ່ງ ຫັນມາໃຫ້ຄວາມສຳຄັນກັບການພັດທະນາລະບົບຕິດຕາມເຄື່ອງ ເພື່ອສ້າງຄວາມເຊື່ອຖື ແລະ ຄວາມຊັດເຈນໃນລະຫວ່າງການຂົນສົ່ງຂຶ້ນຕື່ມອີກ ເພື່ອສົ່ງຜົນປະໂຫຍດຕໍ່ໃຫ້ກັບການຂະຫຍາຍໂຕ ຂອງການຄ້າອິເລັກໂຕຼນິກໃນລາວອີກດ້ວຍ.

No Comments
Post a Comment